“पावसाचे कारण देऊन जबाबदारी झटकता येणार नाही!”

सिंदेवाही-मूल रस्त्याच्या कामातील अनियमिततेबाबत सिंदेवाही टाईम्स ने आवाज उठवल्यानंतर अखेर सार्वजनिक बांधकाम विभागाला जाग आली आहे.

दिनांक 28/7/2026 रोजी उपविभागीय अभियंता बा. ज. षटगोपमवार, सा. बा. उपविभाग सिंदेवाही यांनी कार्यकारी अभियंता नागभिड यांना लिहिलेल्या पत्रात 139/00 ते 140/00 दरम्यान बाजू पट्ट्या खचल्याची कबुली दिली आहे. कारण दिले आहे – “पावसामुळे”.
पण प्रश्न आहे, रस्त्याचे काम करताना पाऊस येणार नाही याची खात्री कोण देणार? जर मुरूम-खडीचा योग्य वापर केला असता, दर्जेदार भराव टाकला असता तर पावसात रस्ता खचला नसता. नागरिकांचा आरोप होता की फक्त मातीचा भराव टाकला गेला. आज PWD ने अप्रत्यक्षपणे तो आरोप मान्य केला आहे.
पत्रात शाखा अभियंता श्री. एल. एस. वानखेडे यांना कंत्राटदाराकडून काम दुरुस्त करून घेण्याचे आदेश दिले आहेत. पण फक्त दुरुस्ती पुरेशी नाही.
करोडो रुपये खर्चून होणाऱ्या या कामाचा दर्जा जर असा असेल, तर नागरिकांच्या जीवाशी खेळ आहे.
आमची मागणी आहे:
1. निष्पक्ष चौकशी – तिसऱ्या पक्षाकडून कामाची गुणवत्ता तपासणी व्हावी.
2. जबाबदारी निश्चित – दोषी ठेकेदार आणि अधिकाऱ्यांवर कारवाई व्हावी.
3. पारदर्शकता – दुरुस्तीचे काम आणि खर्च सार्वजनिक करावा.
सिंदेवाही टाईम्स प्रशासनाला इशारा देतो – नागरिकांचा जीव धोक्यात घालून केलेले हे दुर्लक्ष आम्ही खपवून घेणार नाही.
– संपादक मंडळ
सिंदेवाही टाईम्स
“पावसाचे कारण देऊन जबाबदारी झटकता येणार नाही!”
उपविभागीय अभियंता बा. ज. षटगोपमवार यांनी पत्राद्वारे मान्य केले – सिंदेवाही-मूल रस्ता खचला आहे.
कारण: पाऊस!
मग कामाचा दर्जा काय होता?
करोडोचा रस्ता एका पावसात खचतो, तर जबाबदार कोण?
आम्ही मागणी करतो – निष्पक्ष चौकशी + दोषींवर कारवाई.
#Editorial #Sindavahi #PWD #RoadSafety