“कला माणसाला उपाशी मरू देत नाही” – वरोरात मोफत चित्रकला वर्गात मुलांनी दाखवली कलाकृती

वरोरा । प्रतिनिधी
शिक्षणासोबत कला आत्मसात केली तर आयुष्यभर माणसाच्या उपयोगी पडते. या उद्देशाने स्व. चंद्रभागाबाई नारायण घुमे बहुउद्देशीय संस्था, वरोरा संचालित लोकनेते सुधीरभाऊ मुनगंटीवार सामूहिक अभ्यास केंद्र, कॉलरी वॉर्ड वरोरा येथे प्रत्येक रविवारी मोफत चित्रकला वर्ग भरवला जात आहे.झोपडपट्टीतील गरजू विद्यार्थ्यांसाठी सुरू असलेल्या या उपक्रमात कला शिक्षक सुजित वाटकर मार्गदर्शन करत आहेत. त्यांनी विद्यार्थ्यांना रेखाटन, रंगसंगती आणि कल्पनाशक्तीचे धडे दिले.विद्यार्थ्यांशी संवाद साधताना वाटकर म्हणाले, “कला ही केवळ छंद नसून उपजीविकेचे साधन आहे. ‘कला माणसाला उपाशी मरू देत नाही’. शिक्षणासोबत एखादी कला आत्मसात केली तर कोणत्याही परिस्थितीत स्वतःच्या पायावर उभे राहता येते.” त्यांनी एम. एफ. हुसेन यांचे उदाहरण देत सांगितले की कलेच्या बळावर माणूस मोठा होऊ शकतो.बालचित्रकला शिबिरात मुलांचा उत्साहया वर्गातील मुलांनी आपल्या कल्पनेतून सुंदर चित्रे साकारली. फोटोमध्ये दिसणाऱ्या विद्यार्थिनीने नदी, बोट, झोपडी आणि झाड यांचे रेखाटन केले आहे. मागे डॉ. बाबासाहेब आंबेडकर यांचा फोटो असून, प्रेरणादायी वातावरणात मुलांनी चित्रकला केली.अभ्यास केंद्रात चित्रकलेसोबतच योग शिक्षिका शितल मिटकर यांचा योग वर्ग आणि गोपाळ गुडधे यांचा स्पोकन इंग्लिश वर्गही सुरू आहे. योग, स्पोकन इंग्लिश आणि चित्रकला या त्रिसूत्रीने विद्यार्थ्यांचा सर्वांगीण विकास होत आहे. हा उपक्रम वरोरा परिसरात कौतुकाचा विषय ठरत आहे.- स्वामी गोलपल्लीवार
मुख्य संपादक, सिंदेवाही टाईम्स
TAGS: #Varora #ArtClass #SudhirMungantiwar #SindavahiTimes