🚨 सावधान: रानटी हत्तींचा मोर्चा मूल तालुक्याकडे, मुरमाडी-गोलाभुज परिसरात 30-32 हत्तींचा मुक्काम

मूल: सावली वनपरिक्षेत्रातून पुढे सरकत रानटी हत्तींच्या कळपाने आता मूल तालुक्याकडे मोर्चा वळवला आहे. राजोलीपासून 7 कि.मी. अंतरावर असलेल्या मुरमाडी-गोलाभुज परिसरात गेल्या दोन दिवसांपासून 30 ते 32 रानटी हत्तींनी मुक्काम ठोकला आहे.नुकसान व भीतीचे वातावरण:
काल गावालगत असलेली शिवराम कुमरे यांची झोपडी हत्तींनी पाडून नुकसान केले. गावापासून अवघ्या 1 ते 1.5 कि.मी. अंतरावर हत्तींचा कळप असल्याने ग्रामस्थांमध्ये भीतीचे वातावरण पसरले आहे. मात्र कुतूहलापोटी हत्ती पाहण्यासाठी नागरिकांची गर्दीही वाढत आहे.वनविभागाचे प्रयत्न:
हत्तींचा मुक्काम तलावालगत व गर्द जंगलात असल्याने मिळणाऱ्या थंड वातावरणामुळे कळप जागा सोडायला तयार नाही. वनविभागाचे कर्मचारी जीवित व वित्तहानी टाळण्यासाठी परिस्थितीवर 24×7 लक्ष ठेवून असून हत्तींना हाकलण्यासाठी युद्धपातळीवर प्रयत्न सुरू आहेत.📍 मुरमाडी-गोलाभुज, ता. मूल, जि. चंद्रपूर
🔗 सविस्तर बातमी: sindewahitimes.in
✍️ सिंदेवाही टाइम्स प्रतिनिधी
⚠️ महत्त्वाचे आवाहन:
1 हत्ती पाहण्यासाठी गर्दी करू नका, सेल्फीचा मोह टाळा.
2 रात्री शेतात किंवा जंगल परिसरात जाऊ नका.
3 हत्ती दिसल्यास तात्काळ वनविभाग हेल्पलाइन 1926 वर कळवा.